Counter
Sunday 2 December 2012
کراچی میں 12 سال کی بچی کو 4 گولیاں ماری گئی، 12 سالہ بچی کے سامنے اُس کے والد کو 6 گولیاں مار کر شہید کردیا گیا، 12 سالہ بچی جس کی عمر اس وقت چوڑیاں اور مہندی لگانے کی تھی آج اسپتال میں شدید زہنی ازیت میں مبتلا میں زیر علاج ہے۔
اس عظیم ظلم کے باوجود بھی لوگ کہتے ہیں کہ سپاہ صحابہ/لشکر جھگوی/ طالبان کا نام لو!! خدا کا خوف کرو، کاش یہ 12 سالہ بچی تھماری بہن ہوتی، اگر آج امام حسین آجائے اور کہے کے کربلا میں تم نہیں تھے جب ہی "شہزادی سکینہ(س)" کو تمانچے مارنے والے لعین کو روک نہیں پائے مگر آج تو تم زندہ ہو آج کیوں اس بچی پر گولی چلانے والوں کا نام نہیں لیتے؟ تو کیا جواب دوگے؟
Wednesday 28 November 2012
بھارتی ویزہ کے لئے سپانسر ضروری – بھارتی زارت داخلہ
Published on November 11, 2012 by admin in خبریں, مختصر خبریں
دسمبر میں ہونے والی پاک بھارت کرکٹ سیریز کے لئے بھارت نے کسی بھی پاکستانی کے لئے یہ ضروری قرار دیا ہے کہ بھارت کا ویزہ حاصل کرنے کے لئے بھارت میں انکا کوئی سپانسر ہونا ضروری ہے
اس کرکٹ سیریز کا پاک بھارت شائقین کو بے چینی سے انتظار ہے جو اس سال دسمبر میں شروع ہو رہی – یہ فیصلہ 2007 میں ہوئی ایک کرکٹ سیریز کے تجربات کی روشنی میں کیا گیا جب بھارت میں کرکٹ سیریز دیکھنے کے لئے انے والے بارہ پاکستانی، بھارت میں غائب ہو گئے تھے ۔
وزارت داخلہ کے ایک عہدےدار نے بتایا ہم اپنی قومی سلامتی پر کوئی سمجھوتہ نہیں کر سکتے
Saturday 10 November 2012
ایل جی 21:9 چوڑائی کے حامل الٹراوائڈ مانیٹر کی نمائش
الیکٹرانکس مصنوعات کے حوالے سے شہرت رکھنے والی کورین کمپنی ایل جی نے انتہائی چوڑائی کا حامل نیا ایل سی ڈی مانیٹر متعارف کروا دیا ہے۔
اس سے پہلے ایل جی اتنی ہی چوڑائی رکھنے والا ٹی وی بھی متعارف کرواچکا ہے۔اس مانیٹر کی کل وتری لمبائی انتیس انچ ہوگی۔اور اس پر بیک وقت مختلف ذرائع سے حاصل ہونے والی چار ویڈیوز دیکھی جاسکیں گی۔اس مقصد کے لیے اس مانیٹر کے اندر ہی سافٹ وئیر انسٹال کیا گیا ہے۔اس کی پکسلز ریزولیوشن پچیس سو ساٹھ ضرب ایک ہزار اسی پکسلز ہیں ۔اس میں ڈی وی آئی لنک اور ایچ ڈی ایم آئی پورٹ کی سہولیات بھی میسر ہیں ۔ اس کی قیمت سات سو امریکی ڈالرز رکھی گئی ہے اور یہ اسی سال فروخت کے لیے پیش کردیا جائے گا۔واضح رہے یہ ابھی تک اتنی پیمائش رکھنے والا دنیا کا پہلا مانیٹر ہے۔
Saturday 3 November 2012
پاکستان اور بھارت کے مابین 5سال بعد باہمی کرکٹ سیریز کا اعلان
بھارتی کرکٹ بورڈ نے پاکستان کے خلاف دسمبر جنوری میں ہونے والی سیریزکے شیڈول کا اعلان کردیا ۔ پہلا معرکہ پچیس دسمبر کو بنگلور کے میدان میں لڑا جائے گا۔
شائقین کرکٹ پاکستان اور بھارت کے درمیان مقابلوں کے ہمیشہ سے منتظر رہے ہیں ۔ جب بھی ان دونوں روایتی حریفوں کے درمیان مقابلہ ہو تو یہ دونوں ملکوں کے لوگ اس کو اس طرح دیکھتے ہیں گویا کہ میدان میں جنگ لڑی جارہی ہے ۔ممبِی حملوں کے بعد گزشتہ پانچ برسوں سے دونوں ملکوں کے درمیان باہمی مقابلے منعقد نہیں ہو رہے تھے ۔اب اس سیریز کے ذریعے یہ رابطے دوبارہ بحال ہو رہے ہیں ۔شیریز کا دوسرا ٹی ٹونٹی ستائیس دسمبر کو احمد آباد میں منعقد ہوگا ۔ون ڈے سیریز کا آغاز تیس دسمبر سے ہوگا ۔ پہلا میچ چنئی، دوسرا میچ کولکتہ اور تیسرا ہلی میں کھیلا جائے گا
اس سیریز میں دو ٹی ٹونٹی اور تین ون ڈے میچز کھیلے جائیں گے۔ بھارت کی طرف سے اس موقع پر پانچ ہزار شائقین کو ویزے دیئے جانے کا امکان ہے
پاکستانی بزرگ شہری کی چار بیویوں کو حج کروا کر حق مہر کی ادائیگی
پاکستان کے ایک دیہاتی علاقے سے تعلق رکھنے والے اڈھیر عمر شخص امیر حسین کی چار بیویاں ہیں اور ان کے نکاح کے وقت ان کا حق مہر ان کو قرآن پاک پڑھانا اور حچ کروانا طے ہوا تھا ۔ اس سال امیر حسین زینب، حفصہ ، زلیخا اور سعدیہ نامی اپنی چاروں بیویوں کو حج کروا کر ان کے مقررہ حق مہر سے سبکدوش ہوگیا ہے ۔
رپورٹ کے مطابق اٹھارہ لاکھ غیر ملکی حاجیوں میں سے امیر حسین بیک وقت چار بیویوں کے ساتھ حج کی سعادت حاصل کرنے والا واحد شخص ہے ۔
بلوچستان کے شہر خضدارمیں فائرنگ، اٹھارہ ہلاک
بلوچستان کے ضلع خضدار میں نا معلوم موٹر سائیکل سواروں کی فائرنگ سے اٹھارہ افراد ہلاک ہو گئے ذرائع کے مطابق ہلاک ہونے والوں میں بچے اور عورتیں بھی شامل ہیں
یہ واقعہ جالاوال کمبلیکس کے قریب پٹرول پمپ کے قریب پیش آیا ۔ فائرنگ سے تیل کے ڈرموں میں آگ لگ گئی جس نے قریب کی دکانوں اورگاڑیوں کو بھی اپنی لپیٹ میں لے لیا
Thursday 1 November 2012
گوگل کے مشہور زمانہ آپریٹنگ سسٹم اینڈرواڈ کا نیا ورژن 4.2 تیار
ٹچ سکرین موبائل فون استعمال کرنے والوں کے لیے اینڈرواڈ آپریٹنگ سسٹم شروع سے ہی پرکشش رہا ہے ۔ گوگل اس کو وقت کے ساتھ ساتھ اپ ڈیٹ کرتا رہتا ہے ۔ حال ہی میں اس کا جدید ترین ورژن 4.2″ جیلی بین” یوزرز کے لیے متعارف کروایا گیا ہے۔اس ورژن میں بہت سے نئے فیچرز شامل کیے گئے ہیں۔
سب سے نمایان فنکشن یہ ڈالا گیا ہے کہ اب کسی بھی اینڈرواڈ ڈیوائس میں ایک سے زیادو یوزر اکاونٹ بنائے جاسکیں گے۔جس سے گھر کے تمام افراد اپنے اپنے اکاونٹ پر ڈیوائس کو استعمال کر سکیں گے اور کسی دوسرے فرد کے ڈیٹا تک ان کی رسائی نہیں ہوگی۔ اس ورژن میں کیمرے کے اندر پینوراما موڈ بھی رکھا گیا ہے جس کے ساتھ کسی بھی لینڈ سکیپ منظر کی تصویر باآسانی لی جاسکے گی۔اس کے علاوہ گوگل نے اس کے اندر اپنا خصوصی گیسچر کی بورڈ نصب کیا ہے جس پر صرف ہاتھ کے اشارے سے ٹائپنک ہوسکے گی۔اس سے پہلے یہ کام سوائپ کی بورڈ سے لیا جاتا تھا۔ علاوہ ازین اس ورژن میں وائرلیس ٹی وی انٹیگریشن اور لاک سکرین شارٹ کٹس بھی دستیاب ہیں۔تمام مطابقت رکھنے والی ڈیوائسز اس کو آن ائیر حاصل کرسکتی ہیں۔
Wednesday 31 October 2012
ہانگ کانگ سپرسکس کرکٹ ٹورنامنٹ شروع
ہانگ کانگ سپر سکس شروع ہو گیا جس میں پاکستان کی کرکٹ ٹیم اپنے اعزاز کا دفاع کرے گی ہانگ کانگ سپر سکس میں مختلف ممالک سے آٹھ ٹیمیں حصہ لے رہیں جن میں پاکستان، بھارت، سری لنکا، جنوبی افریقہ، انگلینڈ، ہالینڈ، ہانگ کانگ اور آسٹریلیا۔ گروپ اے میں میزبان ہانگ کانگ، آسٹریلیا، جنوبی افریقہ اور انگلینڈ پر مشتمل ہے جبکہ پاکستان، ہالینڈ، سری لنکا اور بھارت گروپ بی میں رکھا گیا ہے پاکستان کے کپتان نے کامران اکمل نے امید ظاہر کی ہے کہ اس مقابلہ کو پاکستان کی نوجواں ٹیم جیتنے کی صلاحیت رکھتی ہے پاکستان کی ٹیم : کامران اکمل، عمر اکمل، اویس ضیاء، تنویر احمد، یاسر شاہ، جنید خان، حماد اعظم، اور ٹیم منیجر: شریف احمد پر مشتمل ہے
ایپل کی طرف سے چھوٹا آئی پیڈ متعارف
امریکن کمپیوٹر ساز کپمنی ایپل نے گزشتہ منگل کے روز اپنے مشہور زمانہ ٹیبلٹ آِئی پیڈ کا چھوٹا ورژن آئی پیڈ منی کے نام سے متعارف کروادیا ہے۔
اس آئی پیڈ کی پیشنگوئیاں کافی عرصے سے کی جارہی تھیں لکین ایپل کے آنجہانی بانی سٹیو جابز نے اس کی سختی سے تردید کردی تھی ۔ان کی وفات کے بعد کمپنی نے اس کو بالآخر حتمی شکل میں ڈھال ہی دیا ہے ۔اس آئی پیڈ کی چوڑائی سات اشاریہ نو ملی میٹر اور وزن تین سو گرام اور ڈیٹا ذخیرہ کرنے کی گنجائش سولہ جی بی ہے۔جب سے دوسری کمنیوں نے چھوٹے ٹیبلٹ متعارف کروانے کا سلسلہ شروع کیا ہے ایپل تب ہی سے اس معاملے میں کچھ کرنے کے لیے بے تاب تھا۔یہ نیا آئی پیڈ گوگل اینڈرواڈ ٹیبلٹس، ایمازون، سام سنگ اور دوسرے کمپنیوں کے تیار کردہ چھوٹے اور سستے ٹیبلٹ کمپیوٹرز کا مارکیٹ میں براہ راست مقابلہ کرنے کے لیے متعارف کروایا گیا ہے۔اس کی سکرین میں بھی ایپل نے جدید آئی پی ایس ٹیکنالوجی استعمال کی ہے جو کہ سکرین کو تمام اطراف سے دیکھنے کے زاویوں کو بہت بڑھا دیتی ہے۔اس میں ایک گیگا ہرٹز پروسیسر اور پانچ سو بارہ ایم بی ریم استعمال کی گئی ہے۔ اس کی قیمت تنن سو انتیس امریکی ڈالرز سے شروع ہوگی اور یہ دو نومبر کو مارکیٹ میں فروخت کے لیے پیش کیا جائے گا۔
گوگل نے اپنا پہلا 10 انچ ٹیبلٹ متعارف کروادیا
انٹرنیٹ کی دنیا میں منفرد نام رکھنے والی کمپنی اپنی دوسری خصوصیات کے علاوہ اپنے موبائل آپریٹنگ سسٹم اینڈرواڈ کے ھوالے سے بھی پوری دنیا میں مشہور ہے ۔ٹچ سکرین موباََئلز کی دنیا میں تہلکہ مچا دینے والے اس آپریٹنگ سسٹم کو ٹیبلٹ کمپیوٹرز تک وسیع کیا گیا ہے ۔یہ ایک اوپن آپریٹنگ سسٹم ہے ۔یعنی اس کو ہر کمپنی اپنے موبائلز اور ٹیبلٹس میں استعمال کرسکتی ہے۔
بہت سی نجی کمپنیاں گوگل کے بنائے گئی اس آپریٹنگ سسٹم کو معمولی ردوبدل کے ساتھ اپنی اپنی پراڈکٹس میں استعمال کررہی ہیں ۔ان کمپنیوں میں سام سنگ، ایل جی اور سونی قابل زکر ہیں۔ ان کمپنیوں کے ٹیبلٹس مارکیٹ میں آچکے ہیں۔ سافٹ ویئر ڈیویلپ کرنے کے بعد گوگل نے خود بھی اپنے فون اور ٹیبلٹ بنواکر مارکیٹ میں فروخت کے لیے پیش کیے ہیں ۔اس سلسلے میں وہ اس سے پہلے تین موبائل فون اور ایک سات انچ ٹیبلٹ متعارف کروا چکا ہے۔
گوگل کو مارکیٹ میں نسبتاً بڑے سائز کے ٹیبلٹس سے مقابلہ تھا ۔ اس لیے اب گوگل نے دس انچ وتری لمبائی رکھنے والا ٹیبلٹ “،نیکسس ٹین” کے نام سے متعادف کروایا ہے۔ اس کو الیکٹرونک کمپنی سام سنگ گوگل کے لیے تیار کرے گی ۔اس میں سام سنگ ایکسی نوس فائیو چپ سیٹ کے ساتھ ایک اعشاریہ سات میگا ہرٹز پروسیسر استعمال کیا گیا ہے۔یہ اینڈرواڈ کے جدید ترین ورژن چاراعشاریہ دو پر آپریٹ ہوگا۔اس کی بیٹری لگاتار نو گھنٹے تک ویڈیو پلے بیک کی صلا حیت رکھتی ہے ۔گوگل کے اس جدید ٹیبلٹ کمپیوٹر کی کم سے سکم قیمت تین سو ننانوے امریکی ڈالرز رکھی گئی ہے اور یہ تیرہ نومبر سے آن لاِئن فروخت کے لیے پیش کیا جائے گا
سمندری طوفان نے امریکہ کے شہروں کا نظام درہم برھم کر دیا۔ بارک اوباما صدرتی مہم بھول کر اس قدرتی آفت سے نمبٹنے کی کوششوں میں مصروف ہو گئے۔ امریکی صدر نے نیویارک کو “شدید آفت زدہ” علاقہ قرار دیتے ہوئے شہریوں کی امداد اور انکی جانیں بچانے کے اقدامات تیز کر دیئے۔ اس وقت تمام علاقہ تیز بارش، تیز ہوا اور شدید طوفان کے لپیٹ میں ہے۔ اس وقت تک بیس افراد کی ہلاکت ہو چکی ہین اور مزید ہلاکتوں کا امکان ظاہر کیا جارہا ہے ۔ علاقے میں بجلی بند ہو چکی ہے شہریوں کو شدید مشکلات کا سامنا ہے لاکھوں افراد نقل مکانی کر چکے ہیں۔ علاقے کی بندگاہ اور پروازیں منسوخ کر دی گئی ہیں۔ پانی نے گھروں اور ریلوے کے نظام کو بھی شدید نقصان پہنچایا اور زیر زمیں سرنگیں پانی سے بھر چکی ہیں۔ ذرائع کے مطابق بحالی میں ایک ہفتے سے زیادہ لگ سکتا ہے۔ نقصان کا اندازہ بیس ارب ڈالر سے زیادہ کا لگایا جا رہا ہے۔ نیویارک میں خورد و نوش کے دکانوں پر لمبی لمبی قطاریں دیکھنے میں نظر آ رہی ہیں۔
Subscribe to:
Posts (Atom)